蒲同性吧？張敬軒撐關智斌：可能唔識日文
20171119
東網電視
更多新聞短片
張敬軒（左）話Kenny咁大個人會有分數。
歌手張敬軒、許廷鏗、鍾舒漫等出席南區旅遊文化節閉幕禮，接受訪問時，軒仔透露昨晚同容祖兒為保險公司開騷。他直言首次同祖兒同台，笑言全晚畀祖兒窒：「一棟一棟咁過我，仲話我哋係金蘭姊妹，好煩！我喺台上一額汗，唔知佢掟咩出嚟，掟出嚟都係勁嘢。（冇還擊？）做嘢場合嘛，私人嘢好少講。」講到首次合作就咁有火花，會否考慮crossover開show？軒仔指可以諗諗佢，亦會同公司傾吓。其後他又大讚同祖兒合作獲益良多：「學到嘢，佢嘅工作態度，喺台上嘅瀟灑，係天后嘅典範。我都係天后，不過係『下一站天后』。」提到軒仔的「降兩度」演唱會，他表示已經入紙向紅館申請。
去酒吧拒小姐陪
至於問到會否出席頒獎典禮？軒仔坦言要睇檔期，因為今年冇推出新歌，亦撞啱大時大節，如果唔使工作都會想出席頒獎禮。另外，談到關智斌（Kenny）早前被拍得在東京夜蒲同性吧，軒仔表示唔知情：「酒吧咋？（冇聯絡？）冇就依件事聯絡，佢咁大個人自己有分數㗎喇，佢連中文都識唔晒，可能日文都唔識呢。以前好多artist，就算係女artist都會落酒吧玩，我又唔覺得酒吧有幾敏感嘅地方，可能係新聞有價值。我之前都試過去花都，成班舊公司同事，有個地膽話帶我哋去唱K，點知去到係有小姐陪，即刻走！」
----------------------------
東網巨星開咗ig喇，大家快啲follow啦！