無視限奶令！小花齊齊拋波賀台慶
20171119
東網電視
更多新聞短片
嘩嘩嘩！
今日無綫台慶，咁開心嘅日子，小花們都「無視」早前下達的限奶令，齊齊晒性感！當中，沈卓盈以以銀色超低胸晚裝現身，谷出「壽桃」胸，睇到人嘩嘩聲，而「咪神」張秀文就中門大開晒咪咪，仲要玩埋透視誘惑，視限奶令於無物！而前港姐冠軍邵珮詩都嚟個大解放，真空晒出八字波，露得勁過以前，令人咋舌！邵珮詩側身影相時，仲唔小心露出乳貼，大煞風景！
沈卓盈：已經收斂咗
受訪時，問到沈卓盈可擔心「違規」？她笑答：「今日係無綫生日大日子嘛，梗係要着靚啲啦，未收到（限奶令）通知前件衫仲更加性感。（即係收斂咗？）係呀，呢件高貴啲。今晚套衫好似婚紗咁，生日要重視啲。（唔驚公司唔鍾意？）都話開心日子，打扮性感啲係應該嘅。」
張秀文改變初衷
問到張秀文如此打扮實屬犯規？她謂：「一開始聽到memo都好驚，以為有啲咩禁制，後來聽到高層同藝人有回應，覺得適當場合着適當嘅衫，唔會紅牌出場，今年50周年，咁重要日子冇可能比48、49周年冇咁靚，所以唔會改變初衷。」更指於後台沒有時間準備，為怕走光差點崩潰，她說：「今次綵排好長時間，成兩個鐘準備，頭先跑住出嚟，未check得切！（真胸？）都係，冇咩空間可以着太多，緊張到語無倫次，原來自己個極限可以再推後。（下次點算？）50周年咁重要，到100周年我都80歲啦！所以今次靚咗先。」
----------------------------
東網巨星開咗ig喇，大家快啲follow啦！