東方日報C1：邵珮詩激凸作反衝擊限奶令

無綫台慶昨晚於電視城舉行，一眾女星無視「限奶令」紛紛「胸」群而出，前港姐邵珮詩突然騷Quali晒「八字波」，最終失手露乳貼；沈卓盈則拋「壽包胸」搶鏡；而張秀文、姚子羚、田蕊妮、朱晨麗等亦個個晒事業線，為無綫賀壽。

一年一度的《萬千星輝賀台慶》昨晚假將軍澳電視城舉行，鑑於無綫近日向內部發出「限奶令」指引，外間預計女星們定必收起性感赴台慶，怎料卻剛剛相反，大部分女星昨晚均賣大包，實行借賀台慶之名衝擊「限奶令」。

沈卓盈認收斂

當中要數前港姐邵珮詩最「凸」出，平日罕有性感的她，穿上超低胸晚裝亮相大晒「八字波」，雖然失手露乳貼，但已成功搶盡一眾女藝人「峰」頭。對於被指走光，邵珮詩說：「冇走光呀，黐得嘅地方都黐咗，可能係電視畫面睇得模糊啲，我件衫前面有塊紗布。（衣着咁大膽！）今日係無綫五十周年嘛，梗係要着得隆重啲，一年一次啫。（唔擔心被人話博出位？）唔擔心，大家都知我唔係啲咁嘅人。」沈卓盈則以銀色「壽包胸」上陣，問到可擔心「違規」？她笑說：「無綫生日大日子，梗係要着靚啲，未收到（限奶令）通知前件衫仲更加性感。（即係收斂咗？）係呀，呢件高貴啲。」

張秀文以黑色高衩透視晚裝、中門大開上陣，盡晒事業線。她稱：「一開始聽到Memo（限奶令）好驚，以為有啲咩禁制，後來聽到高層同藝人有回應，覺得適當場合着適當嘅衫，唔會紅牌出場。（真空上陣？）都係，冇咩空間可以着太多，緊張到語無倫次，原來自己個極限可以再推後。」穿紅黑色谷胸晚裝的莊思敏，與視后田蕊妮同樣胸前Deep V Deep到肚臍，莊思敏坦言懶理指示：「自己呢套衫一早已經準備咗。公布呢樣嘢可能係要照顧女藝人覺得唔舒服，要照顧呢啲女藝人，我着到咁係舒服同自在。」

高海寧收起「胸」器

前港姐冠軍麥明詩以黑色吊帶低胸裝出現，有點內衣Feel，她表示：「件衫係之前借落，新措施都係想保護女藝人，但唔係限制我哋，衣着仍然有自由。（似內衣款！）係有呢個元素，呢排Fashion興內衣外着。」至於姚子羚和朱晨麗亦低胸示人，而透視裝上陣的胡定欣佩戴英皇珠寶贊助超過800萬元的鑽飾，非常搶鏡。

平日喜愛性感的高海寧、張曦雯、陳自瑤、王君馨及岑麗香等，卻收起「胸」器打扮密實，而「封前露後」的張曦雯，卻以一招露底褲邊挽回丁點聲勢。

更多新聞，請瀏覽東方日報網頁：

http://orientaldaily.on.cc/