人到50立大志　黃翊2018開騷唔會遲

歌手黃翊到新城電台接受訪問，為復出後首推的新歌《我的光》宣傳，他說：「我哋年代派歌係每個DJ會派一隻Single碟畀佢哋播，原來依家只要畀條Link就得， 但對於我嚟講，因為咁耐冇出歌，我都想畀少少誠意出嚟，所以就印咗一批Single碟，用嚟送畀親朋好友。」

問可有計畫開騷？黃翊謂：「其實自從做完《流行經典50強》之後，都有唔少人叫我開騷，但當時自己就未夠信心，覺得點都要儲夠信心，再站穩啲腳步先，而前後都上咗呢個節目三次，依家都算係好好時候。（幾時開？）一定係明年，我啱啱嘅11月16生日入咗『五』，踏入50歲想做一樣嘢，將來回頭睇番係一個里程碑。」但他說待一切落實後就會公布。

談及新歌MV，他表示是早前拍攝了一個劇場版，要講對白，因這首是勵志歌，記得他是今年3月第一次再出來唱歌，當時的一刻就像有一點光在自己身後燃點起來，慢慢再一點一點變成大光燈，充滿正能量。