功臣係Winkie！陳麗文勇奪健美小姐冠軍

藝人黎美言（Winkie）年半前開設泰拳舞蹈學校，生意一直長做長有。早前她於活動上，與司馬燕表妹陳麗文一見如故，彼此成為好朋友，而陳麗文以45歲之齡，日前於一個健美小姐比賽中奪得冠軍，原來幕後功臣正是Winkie！

Winkie提起這件事，不禁開心表示﹕「佢話想參加健身比賽，又知道我打開泰拳，所以大家商量後決定以泰拳去健身操肌做準備，佢邀請咗我做佢嘅教練。其實參賽以佢呢個年齡嚟講，真係一啲都唔容易，要好刻苦先得。嗰日我哋到場後，全程都係抱住平常心，事關好多參賽者都好後生，仲有啲係教練出身添，所以當宣布佢得奬嗰刻，我直情尖叫出嚟，我哋兩個仲眼濕濕添。」

Winkie坦言今次對自己來說亦是個難忘的經歷﹕「以前有公司同事幫我，但呢次我變咗幕後去幫人，比賽全程我眼中只有佢一個。呢件事好正面，話到畀我哋知凡事只要有毅力、恆心就得，運動亦冇分年齡嘅，最緊要係付諸行動囉。」