揭EYT秘聞　戚美珍公開盧海鵬試咪下聯

藝人盧海鵬、林建明、賈思樂和戚美珍接受黎芷珊主持的無綫節目《最佳拍檔》訪問。四人在經典綜藝節目《歡樂今宵》（EYT）的短劇《蝦仔爹哋》中甚有默契，提到當年拍攝趣事，戚美珍說：「盧海鵬試咪就係喺EYT起源，當年EYT星期一至五做現場直播，有一次鵬哥覺得又要星期六開外景，心情當然好差，鵬哥發覺收音師當時對女藝員特別溫柔，但對佢就粗聲粗氣，所以當收音師叫佢試咪時，就好溫柔咁講咗一句粗口，呢句就係『盧海鵬試咪』嘅下聯。」

至於賈思樂提及故友鍾保羅時好感觸。當年賈思樂決定離開香港到外地發展，在離港當晚，鍾保羅正在做EYT直播，竟趁空檔時間來了他的家，親手送上一個指南針，祝福他：「去到邊度都知道自己方向。」賈思樂好開心認識這位好友。

談及EYT已故台柱之一余綺霞時，各人都送上佩服的眼神，她堅強面對逆境時，充滿鬥志。余綺霞病重時，大家為了達成她的心願，齊集到醫院為她慶祝生日，及至1993年10月15日晚上11時，她帶着微笑病逝於聖保祿醫院，終年36歲。

----------------------------

東網巨星開咗ig喇，大家快啲follow啦！