【獨家】李佳芯再衝視后壓力爆煲秘密求醫

本月27日35歲生日的李佳芯，近年劇接劇極速上位，早前更憑劇集《踩過界》爆冷奪得於新加坡舉行的《星和無綫電視大獎2017》視后寶座，首奪視后的Ali由於演齡尚淺，有指因而引起其他花旦如胡定欣等微言。

開齋封后的Ali「先拔頭籌」即被網民力捧，加上最近於劇集《誇世代》中演技精湛，被視為無綫台慶頒獎禮的視后大熱，備受極大壓力的她，早前已因卵巢附近有10cm囊腫而需要接受子宮囊腫切除手術，可謂「身心受創」。

搵車婉婉訴苦

日前Ali於工作後急急趕往就醫，當日下午約2時，她於鰂魚涌工作後，即由友人驅車接載往灣仔的食肆，她相約早年因拍劇而成為好友的歌手車婉婉會面，兩人傾談約一小時便離開，見Ali與孭住兒子的車婉婉沿途急急腳步往附近的大廈，期間Ali還一臉愁容與車婉婉傾不停似狂訴苦。及後發現記者在場，Ali即友善揮手打招呼，問到趕往哪裏？她不諱言：「我趕去睇醫生，因為呢排做嘢辛苦，又覺得個人成日都好攰，壓力好大，所以婉婉就介紹醫生畀我睇。」說罷即匆匆步入一幢滿布中醫診所的大廈。

----------------------------

東網巨星開咗ig喇，大家快啲follow啦！