馬浚偉幫拖 抗癌歌手李明蔚想同祖兒合唱

20171125
東網電視
更多新聞短片
李明蔚想同偶像容祖兒(紅圈)合唱。
抗癌歌手李明蔚(Sarena)到深水埗為首張單曲唱片《信、望、愛》舉行慈善簽名會,馬浚偉、何弘軒及韓梓亮等到場支持,劉倩怡擔任大會司儀。大會播放Sarena講述抗癌經過與實踐歌手夢想的片段,以及《信、望、愛》MV。雖然她未能清晰地說話,仍在義工陪同下感謝家人及病友等的支持,更一度感動落淚。期後大會為她送上驚喜,播放C AllStar、阮兆祥及汪明荃(Liza)等藝人拍攝的打氣片段,Sarena感動得不停抹眼淚。
宣傳交畀馬浚偉
馬浚偉與Sarena一同受訪,Sarena坦言覺得開心、感動、感恩和緊張,馬浚偉即叫她不要緊張:「做歌手係咁,依家好多咪牌,畀晒你拎住,你要習慣。」馬浚偉又安撫Sarena,表示自己聽到她的話,而宣傳方面他就強調要看對方的身體:「只要佢好番,想做乜嘢咪幫佢做。我能力範圍內,要完成佢音樂上或演藝上嘅心願,我諗我做到嘅。所有嘢睇佢自己,最緊要調理好身體先。」
視汪明荃為榜樣
Sarena透露正在服食中藥,沒有進行其他治療,因為西醫暫時未知如何治療。馬浚偉認為最重要是Sarena自己:「西醫都係要佢再做化療,但佢覺得未必有用,最緊要樂觀啲。」提到Liza是癌症康復者,Sarena表示想視對方為榜樣,很開心對方為自己拍片。馬浚偉指還有很多人問候Sarena:「成隊義工去搵藝人拍片,Liza係香港防癌會嘅委員,所以佢知呢件事。Sarena隻碟只係義賣,收益捐畀香港防癌會,成件事好有意義、好美麗。」馬浚偉多謝她令很多人開心,希望她早日養好身體。
說到Sarena的偶像是容祖兒,Sarena直言:「梗係想合唱!」馬浚偉稱有機會就會出手,他認識祖兒及其唱片公司英皇的人:「如果Sarena唱得到,我二話不說、厚住面皮踩上英皇!如果唱唔到唔緊要,寫歌同填詞囉,我等佢。如果佢OK,寫隻歌畀我先,唔好淨係掛住容祖兒,畀吓面我!」