唔結就分！馬國明話想同黃心穎分手？
20171126
東網電視
更多新聞短片
馬國明諗緊送咩畀黃心穎，原來佢都唔係冇情趣嘅！
藝人馬國明到「大埔超級城」出席聖誕活動，與現場粉絲大玩遊戲，期間擺天然呆表情兼大展歌喉，相當落力。剛由上海拍戲返港的他，透露聖誕亦想在工作中度過，實行搵銀為上。記者笑他聖誕冷落女友黃心穎，他笑言：「佢要搵錢供樓呀，大家都知，不過我諗緊聖誕送乜畀佢，大時大節要有表示，依家回憶緊佢平時講乜、想要乜。（以為你係務實型添。）我係呀，但都唔係冇情趣嘅。」
唔需要交代關係
問到是否已認定對方地位，馬國明笑說：「我覺得有時唔需要交代得咁清楚，總之我哋嘅下一步係結婚或者分手。（有信心？）唔知，不過佢係個容易相處嘅女仔，我要嘅都係性格行先，外表唔重要。」
想同心穎去旅行
馬國明透露明年二、三月才再開劇，這段時間倘若有機會的話，會與心穎去旅行：「我哋講過嘞，咁大家未試過去旅行嘛。（去邊？）去邊都咁開心！（見過家長未？）未，佢話農曆年可以?埋利是嘛。」最近人氣急升，問可會提高工作酬勞，馬國明說：「我哋呢啲好抵用，叫價幾多唔知，我都係睇公司糧單咋。」
----------------------------
東網巨星開咗ig喇，大家快啲follow啦！