《降魔的》結局!黃智雯叫馬國明露點答謝

20171126
東網電視
更多新聞短片
一齊睇大結局。

無綫台慶劇《降魔的》演員馬國明、黃智雯、謝雪心、蔣志光、黃子恆、何遠東、林凱恩、譚嘉儀、韋家雄等在尖沙咀打邊爐睇劇集大結局。馬國明透露今晚飯局是謝雪心請食飯,因為她早前在EYT贏得奬金,他表示稍後會再請大家食飯。講到希望大結局有多少點收視?馬國明說:「隨緣。」黃智雯則笑說:「如果收視高啲,你不如露兩點答謝觀眾。」馬國明聞言即謂:「你露兩點就多人睇。」

問到馬國明可會希望《降魔的》開續集?馬國明說:「呢啲要睇監製,雖然套劇好多角色都已經死咗,但係因為係講鬼,其實可以繼續寫落。要睇監製同埋編審覺得可唔可以再寫落去。(有冇信心攞視帝?)隨緣啦,演員只可以盡力去做角色,攞奬就真係要講運氣。好似之前大家都話今年係我同王浩信之爭,馬來西亞頒奬禮就苗僑偉攞咗,其實唔係咁簡單,仲有好多人爭㗎。(有劇幫助係攞獎好時機?)其實已經好好運,原本套劇唔係台慶劇,但係因為做後期延後變咗台慶劇,套劇又唔係用好多錢拍,卡士又唔係好大,有咁嘅成績已經喜出望外。」黃智雯則希望劇集攞「最佳劇集奬」。

----------------------------
東網巨星開咗ig喇,大家快啲follow啦!
https://goo.gl/KGuo2N