陳嘉寶唔見何雁詩發酒癲：佢喊係正常

新婚不久的女星陳嘉寶（Anjaylia）到中環出席品牌活動，她笑言近日生活夜夜笙歌，要招呼大批由海外來港的朋友：「遊船河、打邊爐、唱K，搞到依家仲係好攰，都冇咩時間二人世界，二人世界活動就係喺屋企執屋。（幾時度蜜月？）唔去喇！因為要工作。（佢咁冇情趣？）係我，佢好有情趣，只係拍拖時已經去過好多地方，依家冇咩地方特別想去，所以唔去度蜜月。」

講到有指何雁詩在其婚禮上發酒癲，衝上台自認單身又鬧人衰人，Anjaylia說：「我見唔到，司儀都話冇問過人係咪單身，應該係冇咁嘅事。（佢爆喊？）都正常，個個姊妹都喊，我哋輪住喊，我就最後見到周慧敏祝賀我，終於到我忍唔住喊。（雁詩依家感情生活點？）以我所知佢唔係單身，佢感情生活穩定。」