麥家琪打輸MMA畀老公笑抵死

藝人麥家琪到灣仔觀賞ViuTV《G -1格鬥會II》決賽，余智嘉對何慈茵，有參與賽事，但月前已被淘汰的家琪說：「我喺日本打輸咗出局，今晚係嚟支持嘅，上次打完，我啲傷到依家都未復原，仲抖緊，MMA真係唔容易，以前我一星期打三次泰拳，依家停咗，只係跑步，到聖誕放假應該會打番。」

家琪又指出局被老公取笑，她說：「我輸咗比賽，佢唔只冇呵我，仲笑我，話我抵死，一睇就知我唔會贏，事實係我啲對手太專業，身形高得嚟又轉身快，下次再搵我打，我都唔制，留番畀啲專業嘅人去打啦！」