再戰樂壇!Pandora夾Band唔怕捱窮

20171202
東網電視
更多新聞短片
經歷離離合合先會學懂珍惜。
樂隊Pandora已成軍7年,直至近年再重組重新出發,現剩下主音Tony、結他手OG及結他手Lowa三子,OG說:「呢7年期間不斷有離離合合,唔同大少志向問題,其實今年年初同Lowa自己本身隊樂隊都有少少問題而解散,所以Tony作咗首歌畀我哋聽,我哋聽完覺得要攞番嗰種支持同執着出嚟,本身都識咗7年,大家夾開Band係好好朋友,依家大家成熟咗做返啲好音樂畀大家聽。」問到當年有否因意見不合而鬧交?Lowa說:「我哋今年初重新出發,出嚟嘅火花反而好好,可能大家都經歷散咗Band情況,所以更加學識體諒,就算有磨擦都係為音樂上面。」
夾Band似拍拖
由於唱片市道低迷,問到為何仍堅持夾Band?OG說:「音樂係我哋夢想,都係我哋嘅堅持同執着,人生苦短,趁自己有能力時候去堅持自己嘅路。(幾難行都捱落去?)本身已經識咗7年,感情都要好,做音樂一定要夾人,離離合合都唔太想,好似拍拖一樣。」Lowa坦言經過多年尋覓,發現自己最愛都是音樂,他說:「都會堅持落去。」Tony補充說:「以前都做過金融行業,去到最尾我發現收工幾攰都好,都好想堅持錄好首歌,直到有刻發現音樂對我人生幾重要,之後就辭工全職做音樂,冇後悔選擇咗呢條路。」
收入夠兩餐晏仔
作為新人收入微薄,問到是否儲夠彈藥?Tony說:「本身我哋有做音樂老師,都足夠收入應付生活,當然有時經濟狀況比較緊張。」OG表示身為後生仔應該學懂捱,他說:「收入都夠到兩餐晏仔。」三人透露早已租下Band房練歌,OG說:「每個禮拜都約幾日去創作同練歌。」問到有否禁帶女友上Band房規條?Lowa說:「唔需要呢啲,我哋好自律。」