神還原！琦溫斯莉與名嘴搞笑重演《鐵達尼號》

荷里活著名女星琦溫斯莉（Kate Winslet）上周四亮相美國名嘴Stephen Colbert的清談節目宣傳新片，為慶祝代表作《鐵達尼號》（Titanic）上映20周年，二人即場重演片中Jack捨身救Rose的經典一幕，琦趴在Stephen張枱上，而Stephen就坐在地上與琦緊握。場面搞笑多過感人！

訪問期間Stephen指琦飾演的Rose話過唔會俾Jack死，琦就回答承認自己講大話，仲笑言Jack應該更努力嘗試上道門。而琦在訪問中亦大爆《鐵》的鮮為人知秘聞，她指在水缸拍攝《鐵》「落水戲」期間患上低溫症，而子女至今都睇咗半齣《鐵》，而里奧勒度狄卡比奧（Leonardo DiCaprio）並非原本男主角，她表示試鏡時她是與男星馬修麥康納希（Matthew McConaughey）做手戲，琦更話自己從未公開講過馬修原本演Jack！而片中她與里奧仔「車震」那一幕原本劇本冇，大家都係臨時度出來！