何雁詩自稱單身？鄭俊弘宣示主權證仲拍緊拖

歌手鄭俊弘（Fred）出席無綫籌款節目《歡樂滿東華2017》，對於女友何雁詩被指現身老友陳嘉寶婚宴時發酒癲兼自稱單身，Fred坦言不明為何有如此炒作新聞，問到女友酒量如何？他謂：「平時都係飲幾杯，冇發酒癲，當日我有工作冇去。（仲係情侶關係？）係拍拖，OK嘅，女友都回應咗！（佢呢排唔開心？）冇事，笑一笑就算啦！（有冇了解女友喺嘉寶婚禮嘅狀態？）唔知，佢成班朋友一齊冇問題。（有指女友發酒癲時，全程由甄澤權照顧？）佢負責變魔術畀佢(何雁詩)睇咋嘛!呢啲都炒作出嚟嘅啫！」