參加慈善跑　盧巧音跑到嘔：好醜怪

歌手盧巧音（Candy）與老公Sammy、組合Kolor成員Singz出席慈善跑活動，Candy表示突破跑步後第二次參加比賽：「第一次參加就長啲跑10km，今次雖然5km，但未跑過。」Sammy續說：「今次都勁，一嚟就上山，上山下海咁。（老婆好叻？）係，叻咗，佢儲嘅里數已經多過我。」Candy表示兩次跑步跑到想嘔，今次直頭嘔了出來：「嘔完好啲舒服啲，我就係初跑者，好多經驗都冇，經過呢兩次就醒覺，下次比賽飲少少水就算，如果唔係好醜怪。」Sammy笑言可能唔關事，而是衝線敏感症。

Singz直言今次開頭上斜路時比較辛苦，之後條氣就開始順，又認為天氣及風景都很好：「我哋三個成日一齊跑，我主要練氣，谷番啖氣出嚟。」而Candy表示今年先開始跑，一直以為舊患唔跑得，但慢慢發現冇影響，是個假象。