落選叱咤五強　AGA自爆瘦到有腹肌

歌手AGA（江海迦）舉行迷你音樂會，獲好友林德信（Alex）到場支持，Alex在音樂會期間更踎低為AGA影相及舉牌打氣。接受訪問時，她透露今次音樂會嘅感覺會Rock少少，亦會唱自己中學經常會聽同影響自己好深的歌。

談到落選叱咤我最喜愛的女歌手最後五強，AGA直言：「自己都冇諗過會入選，有咁多人投票畀自己已經好感動，同埋好開心JW入選咗，好戥佢開心！大家都好努力，各自為唔同嘅Show搏殺。（會想拎創作歌手獎多啲？）隨緣啦，今年自己都好努力，作咗三十幾首歌，會繼續努力。」

AGA表示正積極籌備同Supper Moment嘅演唱會，加上明年1月更會推出新專輯及喺廣州開騷，笑言清減咗唔少，她謂：「依個月自然瘦，可能太忙，今個月少咗做運動但仲瘦咗，尋日照鏡見到有腹肌！」