定欣演首位女訟師 姚子羚做包青天老婆
20171204
東網電視
更多新聞短片
定欣同姚子羚都係喺劇中會愛上包青天。
藝員胡定欣與姚子羚在將軍澳電視城為新劇《包青天再起風雲》試造型及拜神。 劇集明年將會到橫店及新疆拍攝外景,問她們可會擔心?胡定欣說:「都有聽過人講去新疆都有好嘢要特別注意,不過監製話我哋去取景嘅地方都有劇組去,相信公司會做好資料蒐集,我哋唔會有問題。反而擔心天氣凍,因為啲戲服好單薄。」姚子羚笑謂最擔心沒有東西吃。
胡定欣在戲中飾演開封第一位女訟師,劇中文武雙全自然有不少動作,她笑說:「自己冇諗過有機會做一個角色係會愛上包青天,戲中公孫策就暗戀我。」姚子羚在劇中則飾演驗屍官與包青天因查案互生情愫,最後還成為包青天的太太。
女性要識保護自己
講到麥明詩自爆到內地交流時遭性侵犯,胡定欣說:「女性要懂得保護自己,要有一個課題由細教育女仔要點樣好好保護自己,有咩事要出聲。」姚子羚則說:「香港嘅女仔真係有好大勇氣,夠膽行出嚟去講番過往唔好開心嘅事,呢個係唔容易嘅。不過希望呢啲風氣唔會持續,希望大眾會尊重女性。可能喺未成長嘅時候唔夠膽去講,會好驚,希望大家會關注。」
----------------------------
東網巨星開咗ig喇,大家快啲follow啦!