笑到口都大埋！郭晉安約咗聽日去整容

演員郭晉安、周麗淇、林文龍、楊怡、袁偉豪、周柏豪、鄧佩儀等在尖沙咀出席劇集《再創世紀》煞科宴。郭晉安笑言這次與楊怡合作後要去整容：「因為拍得好開心，成日都笑，笑到多咗好多皺紋，連個口都笑到大埋，聽日約咗整容醫生整容。自己未試過同一個對手合作得咁開心，好多嘢講，成日笑，但係一埋位話喊又可以喊，呢啲可能就真係叫做合拍。（有冇傳授楊怡生仔秘方？）唔使，佢哋叻仔、叻女嚟。」

郭晉安聖誕與家人到日本過白色聖誕，明年中才會再開劇，他說：「半年唔多，自己希望可以有長啲時間去準備，係對自己負責，同埋會去學唱歌，唔係要再闖樂壇，係對自己嘅要求，希望自己唱歌有進步。」