天明打機迷過阿仔 家蔚拒人工受孕追女

20171205
東網電視
更多新聞短片
周家蔚接受電台訪問,大談天倫樂。
藝人周家蔚到電台接受訪問,爆老公洪天明投訴她,在做訪問時說一些不應該說的話:「試過話大仔唔乖,佢就話我唔應該講,我都知我有時講嘢成日離題,說話技巧唔係太好。」談及細仔時,指他就讀學前班,打算升讀哥哥間學校:「如果升唔到會年年都試,早前面試咗都好放心,因為佢以前成日喊,開學第一個星期冇事,過多兩、三星期就成日喊。(反而之後唔慣?)佢話唔想返學,因為屋企多玩具同卡通太豐富。」
早前周家蔚帶子跟謝天華一家到主題樂園玩,大家認同現時的小朋友太幸福,不會給太多物質予小朋友。問是否有後悔?她說:「冇辦法,老公係大細路,就算阻止都見佢買遊戲機返嚟。(有冇鬧佢?)唔會為呢啲嗌交,我盡力做好就得,個仔都聽話,有時問准我先玩,有時見爸爸玩,都有叫佢唔好玩,知道我唔鍾意,嗌交會傷感情。」
十年後可能有儀器代生
問可有打算追個女,周家蔚笑言很多朋友知道她最擔心減肥,記得生完細仔時,待他兩歲時才減到肥:「有工作就會有推動力,冇就會照食。(令你卻步?)依家都繼續努力,搞掂阿仔返學先,我哋就穩陣啲,大家係基督徒,知道唔應該做人工受孕揀選性別,但朋友安慰話係神畀個科技令到有得揀,以前我係好抗拒,覺得畀我就要接受。(會真係想試?)一係唔生,真係想生都會考慮,有朋友生三個都係雪卵,唔知十年後仲想唔想生,講緊十年後可能有儀器代生,係唔知發生成點。(洪天明接唔接受?)佢都OK,都想生番個小情人,好多爸爸都想。」
問有否想過重返幕前?她說:「我都OK,接受到,如果再生又返幕前都搞到人好混亂,想自己搞掂晒先,好似陳茵媺咁,生完先復出,之前同佢溝通過話搬去佢度,但之後同佢講要搬番出嚟,始終太遠,想方便小朋友返學,佢哋可以瞓多啲大家都舒服啲。」
----------------------------
東網巨星開咗ig喇,大家快啲follow啦!