惊畀人问几时死！邵音音：咩都话唔嚟

艺人邵音音到观塘为奇妙电视节目《使乜惊 大两Gen》录影，与黄文慧齐跳潮舞，与同场年轻人比毫不逊色，她笑言：“呢啲舞我哋边识，后生都系跳Cha cha同Tango！（去Party跳？）边有时间呀，咁多戏拍！”

讲到阮兆祥爆料指她亲认患皮肤癌，邵音音说：“我冇嬲佢，佢系关心我身体健康，我系有心脏病，依家系多一日算一日。”邵音音又表示事后一直避听电话：“好惊畀人问我几时死！佢哋系出于关心，但唔识问，我又唔识答，有啲人问我第几期，我话更年期呀！每个人都有终点，只系我比较早知，离死亡好近，所以我更会学识珍惜朋友。（朋友介绍医生？）唔使，我又唔系白痴，大家都出于热心，但我依家全部电话都唔敢听，我要安慰番人，搞到好疲劳。”

后生成日喊

讲到如何积极抗癌，邵音音说：“冇㗎，我后生时知道后成日喊，会问点解系我有呢个病。（点调整心情？）冇得调整，做人好多嘢都要面对，系人生，更加觉得我都过得好幸福，当死亡陪伴住你，我哋嘅DNA话我哋知死亡有几恐怖，但死亡之后系点冇人知，死咗就死咗！”

“烧咗咪倒落海啰！”

邵音音又透露将送别早前离世的金牌经理人陈自强：“送佢去大海，佢好锺意大自然。（自己有冇谂过身后事？）烧咗咪倒落海啰！系怀念我嘅，系我有生之年对我好啲。死亡改变我最多系待人处事，我有唔舒服会自己静静哋抖，好怕啲仔女唔畀我拍戏，搞到咩都唔做得，可能系十年后死，或者三日后，咩都话唔嚟！依家佢哋会话妈咪锺意饮酒瞓，就买酒畀我，锺意做乜就做乜，放假又陪我。”

邵音音又忆述当年生仔遇到的困难：“当年我去美国生仔，啲医生咩都验，验到我皮肤指数有问题，话咁有机会难产，佢哋控制唔到情况，所以要我签纸，如果我死同佢哋无关，系我嘅选择，但我好开心决定生个仔出嚟。”邵音音又展示位于锁骨的疤痕：“啲皮肤会有黑色、又皱皮、之后会出水，呢度做手术割咗，冇得拎其他皮肤去补，因为少咗块皮系扯住个头会歪埋一边。（点保护皮肤？）唔可以晒太阳、同唔搽化学嘢。”