勁多造型！李婷婷為影慈善月曆險跌傷

模特兒李婷婷將推出2018年個人慈善座枱月曆，今次由R.Progress車隊全資製作，月曆銷售額將不計成本全數撥入慈善機構作慈善用途，婷婷及車隊都希望大家感受到愛之餘，都可以把愛傳給有需要的人。婷婷在月曆中共有11個造型，分別有春夏秋冬、華麗珠寶、潮牌玩意、型格飄移車、仙氣女神及可愛韓風等造型，每個月都換look，為粉絲帶來新鮮感。講到拍攝過程難忘事，婷婷笑言最難忘的是上車頂拍攝一幕：「我上車頂擺緊甫士，影影吓feel到慢慢跣緊落嚟，工作人員見到即刻飛過嚟接住我，因為佢話見到我開始唔定，所以已經ready接住我，所以我就冇事。」而講到最喜歡的造型，她坦言最愛8月生日的造型：「個髮型係未試過，好似有舊嘢喺頭頂，開心生日個月份有呢個造型，好特別。」