製作蠟像悼亡兄 黃家強替黃家駒度身

20171207
東網電視
更多新聞短片
黃家強有信心英國的蠟像公司製作的蠟像會與亡兄黃家駒很相似。
歌手黃家強、Dear Jane到浸會大學出席講座,透露正在計劃為已故胞兄黃家駒舉行紀念活動:「出年係佢嘅25年死忌,同埋佢嘅歌迷唔只喺香港,所以我喺北京搞。」他與當地蠟像館商討同步製作家駒的蠟像,不過有難度:「要用我個身嚟度,我記得佢比我高同瘦幾多,記得大概尺寸。最麻煩係面型同頭嘅大細,佢哋好嚴謹,我個頭係細過家駒,就畀張相佢哋跟住個比例。不過我都相信佢哋嘅技術,喺英國造。」他自言有聯絡香港的蠟像館,但時間趕不及。
談到近年在內地發展,家強表示有演出亦會回港,已經離開舊公司近一年,香港的工作主要由自己和助手負責,而內地就有經理人公司。他覺得自己傾演出不算辛苦,而價錢方面就由同事幫手傾:「我有定價,唔係海鮮價,都唔係好難傾。」
紀念騷的嘉賓方面,他說暫時要保持神秘感,但會找好朋友以及與胞兄近似的人:「例如創作人,或者彈結他好叻嘅人。」說到兩地飛,他坦言掛念兩個兒子,又指就讀六年級的大仔去了5天露營:「5日唔返屋企!幾擔心!我都冇試過。」
----------------------------
東網巨星開咗ig喇,大家快啲follow啦!