《遇見》係寫畀基仔！林一峰林奕匡玩互吹

歌手林一峰及林奕匡（Phil）在九展開騷，Phil太太、一峰妹妹林二汶、好友Tim@Dear Jane、馮允謙等人到場支持。兩人除了唱自己的歌外，亦有唱對方的歌，Phil唱了一峰的《重回布拉格》，表示之前到布拉格工作，但太太沒有同行，希望有一日能帶她回去。之後兩人在台上chit chat，笑言兩人組埋一起可以叫「林一匡」或「林奕峰」。Phil亦謂自己病時，感謝一峰很照顧他：「講啲秘方畀我知，要食咩飲咩。」

古巨基唔要《遇見》

Phil又謂一峰真的寫了很多歌，一峰就自爆《遇見》一曲本身是寫給古巨基：「但佢唔要，之後就畀咗孫燕姿，所以作曲呢啲諗住寫畀邊個最後就係會畀咗第二個。」Phil亦謂《高山低谷》本身是寫給別人，但不講是誰，只在一峰耳旁講，一峰聽完笑言：「咁你自己唱好啲。」一峰又表示《The best is yet to come》一曲是失戀時搭車寫的。

大講有味笑話

當一峰獨唱時要較咪stand，自嘲不及Phil高，笑言：「陣間可以將我同Phil嘅咪stand拍埋一齊畀大家影相。」他又話剛才在台下聽到Phil哼出兩句歌詞：「聽完真係想嫁畀佢，佢好乖、好純品，至死不渝嘅愛情可以喺佢度搵到。」接着唱出Phil的《第一個早晨》。兩人之後合唱幾曲，唱到《Goodman》及《一支煙的時間》時，Phil更表演吹色士風。當Phil唱《高山低谷》時，一峰為他吹口琴伴奏，而當一峰唱《回到花開的那天》時，Phil就為他吹色士風伴奏，一峰大講有味笑話：「我哋互相幫大家吹吓嘢，開心啲。」觀眾聞言即大笑，Phil笑言：「大家笑咩呀？」一峰即笑言：「冇嘢㗎，佢好純品。」最後他們以《The best is yet to come》作結音樂會。