得5呎高難搵衫！鄭融中門大開露Bra騷胸

歌手鄭融及連詩雅（Shiga）到九展出席AEG Music Channel十大最受歡迎演唱會暨樂壇頒獎禮，鄭融身穿中門大開裙晒Bra性感現身，大晒胸器，相當吸睛！她指大會的主題是優雅和華麗，所以穿上配合主題的衣服：「我好鍾意呢個品牌，咁啱又搵到呢套衫。」提到獲頒非凡表現獎，以及憑《心頭大石》贏得歌曲獎，鄭融稱今年演唱會的反應很好和很成功，很感激主辦單位做了很好的舞台效果，亦很開心得獎。提到為性感打扮做好安全措施，她說：「其實件衫好安全，所以都OK，覺得好安全。（男朋友有冇睇過？）冇，我下晝先知着呢套衫，啲衫轉咗幾次。（平時操得好Fit？）OK啦，好彩有準備。」

否認被搶鏡

問到Shiga可覺得被鄭融搶鏡？Shiga否認說：「我哋得獎歌嘅風格唔同，我都諗過今日着咩衫，我首《不甘示弱》比較抒情，所以着簡單少少襯番首歌。我好鍾意黑色，但唔襯首歌。」她大讚鄭融的造型能配合歌曲，又自認性感：「但我冇乜特別嘢可以露，都係腳同膊頭。」鄭融聞言笑說：「着套衫唔係想露啲咩，只係想着套靚衫，呢套都算華麗吖，尊重番場合，大家唔好諗咁多。」

呻5呎高好難搵衫

至於之後的頒獎禮可會繼續性感？鄭融強調之前不知道會穿這條裙，到時要視乎找到甚麼衣服：「我覺得5呎高真係好難搵衫，我個造型師經常投訴好難幫我揀衫，要符合晒Dress Code同活動類型，而我又着得舒服其實好難，好多謝佢次次咁辛苦幫我。（有冇底線？）睇場合啦，最緊要舒服同自然。」

----------------------------

東網巨星開咗ig喇，大家快啲follow啦！