陳淑芬奪演出業榮譽貢獻大獎:多謝大家畀面

20171209
東網電視
更多新聞短片
陳淑芬呢次就獲頒演出業榮譽貢獻大獎!

《風雲5D音樂劇》製作人陳淑芬到九展出席AEG Music Channel十大最受歡迎演唱會暨樂壇頒獎禮,獲頒演出業榮譽貢獻大獎,她指之前代《風雲》團隊得獎,而這次很獎亦很開心:「做咗40年都未試過攞獎,今次當係一個獎勵,之後都係繼續努力。(有冇緊張?)唔會,見得太多人攞獎,都係大家畀面,多謝!」

上次她穿上《風雲》的工作服代表團隊領獎,而今次她就盛裝出席,因為還要頒獎給其他成就獎的得主:「係我好鍾意嘅幾位藝人。我哋同太極樂隊合作過好多次,喺樂壇可以持續咁多年做樂隊好難,佢哋一路都做得好好、好努力,仲有火。仲有夏韶聲,我好欣賞佢,同埋佢生日呀,Happy Birthday!」至於另一得獎者盧巧音,陳淑芬指對方做過台前及幕後,知道演唱會的成功不單在於藝人:「佢好感受到,因為佢都試過喺幕後搞演唱會。(同佢哋開騷?)我都好希望有機會。」

說到想培育新人做音樂劇,陳淑芬透露會與南京藝術學院簽約成立天星音樂劇學院:「唔只培育藝人,台前幕後都會。(投資好多?)會慢慢開始,呢個係我一個目標,希望音樂劇唔係淨係得百老匯,中國都會有具標誌性嘅音樂劇。(你會唔會教?)我唔識教,不過會分享喺呢個行業嘅經驗。」