江漢離世　好友羅樂林：酒係難戒嘅

甘草演員江漢（原名姜永明）離世，享年79歲。身為好友的羅樂林接受東網訪問時，透露昨晚才收到消息，皆因已有一年多沒有與對方見面，談到對方生前病況，羅樂林謂：「知佢有糖尿病，所以後來都少出嚟聚會，打畀佢都話唔願意出嚟，傾偈就OK，可能因為又坐輪椅唔方便啦！（江漢生前鍾意飲酒？）都鍾意，人生係咁，大家都明白，都幾難戒嘅！（知唔知佢身後事點安排？）唔知，因為都好難聯絡，等江漢家屬公布，到時喺香港一定會出席喪禮。」