中五時爸爸患癌　趙增熹望太太多運動

音樂人趙增熹到九龍公園出席防癌日活動，表示經常做運動，笑言要感染太太：「囡囡買咗架健身單車喺屋企，希望太太踩多啲。（太太肯聽你講？）聽還聽，做唔做係另一個問題。」提到中五時爸爸患癌，趙增熹透露當時家中很混亂：「媽媽突然要孭起成頭家。（你一直有做身體檢查？）有，腸鏡都有照，因為都50歲。我張成績表OK，冇三高，我飲食都清淡，少食肉。」

工作方面，他表示12月30日要做《勁歌總選》：「今年要做嘅差唔多做完，年尾倒數音樂都做好晒。（可以休息？）我唔使休息，鍾意一路有嘢做。」