嫌黎小田太花弗 薛家燕：都係做朋友算
20171211
東網電視
更多新聞短片
其實勁老友！
藝人薛家燕、黎小田（Michael）日前作客無綫節目《StarTalk》與主播許文軒對談。提到即將舉行作品演唱會，黎小田即謂：「今次演唱會會邀請好多原唱同後輩歌手做嘉賓演繹。（邀請關正傑出山？）我同佢通過電話，但佢始終唔肯返嚟唱，佢話已經退咗休，話寧願返嚟同我一齊食餐飯。我作嘅歌當中，我其中一首最鍾意嘅作品就係佢唱咗《大地恩情》，到今時今日我去登台都唱，今次會安排畀周華健唱，因為佢夠正氣，夠陽光。」
問到薛家燕到時會否獻唱小田嘅心水歌時，她笑說：「黎小田覺得我唱歌麻麻哋，所以唔鍾意作畀我，佢話作畀我啲歌嘅Range好窄，好難作，搞到我好Hurt，傷咗我嘅心，錄音時佢又叫我慢慢唱，佢就話要去食西餐鋸扒，佢聽都唔想聽。」黎小田說：「所以到後期，家燕姐叫我做乜我都會做啦！」薛家燕說：「咁又係，好似《流行經典50年》，Michael佢初初都唔想做，真係因為我佢先幫手。」
提到二人關係時，薛家燕笑說：「都有少少想過電架，但大家了解大家，都係做朋友好啲！而且佢畀我感覺太花弗，好似個Play Boy咁，不過識耐咗我真要同佢澄清，有次去日本拍嘢，佢大大聲同人講要去邊度滾，到第二日原來佢都冇去，佢得把口，話好貴。」
----------------------------
東網巨星開咗ig喇，大家快啲follow啦！