亞視復活!陳志雲主持新版《百萬富翁》

20171212
東網電視
更多新聞短片
前無綫高層陳志雲倒戈主持《百萬富翁》。

亞視將於本月18日宣布「翻生」,未來除會推出應用程式及OTT平台,在節目內容上亞視亦令人期待。

亞視節目《百萬富翁》當年大受歡迎,更搶走不少無綫的收視,亞視方面便打算複製歷史,推出新一輯《百萬富翁》再次派錢。據知,亞視邀請到前無綫高層陳志雲倒戈並取代陳啟泰擔任《百》主持,《百》的廠景亦在搭建中。而曾華倩等亦會加盟亞視主持其他節目。

除此之外,亞視更落重本以2,000萬購入范冰冰主演的內地古裝重頭劇《贏天下》的香港播映權,打算與內地同步播出。有指無綫方面亦有意購入此劇,但因為價錢問題而未問最終得到播映權。

陳志雲接受訪問時就未有否認這份新工作,又指自己好開心亞視以另一種形式重生,讓觀眾多點選擇:「其實我都係最近由幕後轉到幕前,工作性質、接觸嘅嘢同以前真係好唔同,感覺好有趣、好新鮮。」

至於「被飛」的陳啟泰就表示非常期待陳志雲主持《百》:「我覺得佢好適合做呢個節目嘅主持,以我當年主持咗幾百集嘅經驗,同觀摩咗咁多國家嘅主持表現,我覺得主持呢個節目最重要都係冷靜同淡定。至於氣氛方面,做現場觀眾帶起就好夠。」最近與ViuTV合作的他又戥亞視「翻生」高興:「雖然暫時未有人搵我,但係多番個平台,可以等以前嘅亞視嘅幕後有番工作機會,我都相信將來都應該有機會同亞視合作。」

----------------------------
東網巨星開咗ig喇,大家快啲follow啦!
https://goo.gl/KGuo2N