女神放題！周秀娜李佳芯朱千雪同場鬥靚

藝人周秀娜（Chrissie）、李佳芯（Ali）、朱千雪及林奕匡到中環出席活動，千雪穿露肩裙現身，而Ali就最為密實，笑言已經覺得熱。問到有否機會過白色聖誕？正在修讀法律課程的千雪表示考試後才放假，應該聖誕後才回加拿大，但當地暫時仍未落雪：「就算聖誕都未必有雪落。（溫書好慘？）忙啦，未到慘，盡量最後衝刺，仲有一個星期左右，日日都通頂。（驚唔驚黑眼圈？）驚，但冇所謂啦，靠化妝品，放假補番啲睡眠，下年狀態應該可以返番嚟。」至於會否與男友過聖誕？她坦言希望可以，要夾時間，想見一見才返加拿大，又笑言二人經常一起過聖誕，所以沒甚麼特別：「通常同埋屋企人同朋友過，今年應該都會，我哋冇咁多花巧，簡單啲。」

而Chrissie就不打算出埠過節，因為最近放了一個月假，而且前幾年都沒和家人過聖誕。Ali透露正拍攝劇集《BB來了》，笑言只可穿白色衫過白色聖誕：「依家收到啲通告係有得倒數，希望唔好Over。基本上每日都要開工，我都奢望過會唔會有一日唔使，但係冇。」