聖誕同女友過？袁偉豪：諗吓先！

藝人袁偉豪為活動擔任滅罪禁毒助更生之星，表示年青時經歷反叛期也受過誘惑，但認為已過去不欲重提。而經常於劇集演警察角色的他，指除了水警未演過，其他警察部門全部演過，更謂：「我覺得反派仲有發揮，依家就放緊假，到4月先開工，主要調理好身體，聖誕有商演搵錢，過一個肥肥聖誕。（會唔會同女友去旅行？）諗吓先，因為我好耐冇同朋友聚會。（做冬會否去女友屋企？）應該會各自同自己家人做冬，其實都見過家長啦！」