梁思浩邀仇人上亞視節目：似擺和頭酒

藝人梁思浩、陳彥行和李麗蕊出席「亞洲電視數碼媒體有限公司」成立典禮，三人將會為「亞視」擔任逢周一播出的節目《今晚見》，內容以娛樂爆料為主題。梁思浩透露：「首集嘉賓是一對仇人，他們成世都唔想見到對方，直頭反晒面嘅關係，喺節目中好似擺和頭酒咁。」但卻不肯透露是誰人。

碌爆人情卡

問到如何邀得二人一同亮相同一節目？梁思浩表示：「人情和錢，有啲畀面我，又畀面何麗全同吳雨。」問到會否擔心兩位嘉賓在節目中大打出手？梁思浩坦言：「節目係直播，歡迎打交、鬧交，仲更多人睇。其實呢類形節目香港未有，但內地已經好多。」

對亞視有信心

梁思浩坦言今次是畀面吳雨和何麗全促成這次合作，「早前花了四個月時間傾談合作，我同李麗蕊和陳彥行一直有喺電台合作，會好有默契。」至於前亞視多次拖欠員工薪金，梁思浩表示：「以前都冇拖過我糧，可能我嗰份唔大。」在旁的陳彥行笑說：「就係畀咗你，Hold住其它人囉。」而李麗蕊則表示：「曾受到亞視拖糧，但依家班底唔同晒，好有信心。」對於外界仍有人不看好「亞視」，陳彥行話要他們跌眼鏡。