林師傑儲錢結婚 歐陽巧瑩冧爆：我願意
20171219
東網電視
更多新聞短片
林師傑未求婚，歐陽巧瑩已經公開說：「我願意！」
無綫藝員林師傑、歐陽巧瑩、莊思明、楊詩敏、翟威廉、羅天宇、張寶欣和港姐黃瑋琦在中環出席明珠台《暖暖聖誕．愛樂無限》大派對，席間並為今日生日的張寶欣慶祝。
林師傑與歐陽巧瑩拍拖三年，問兩人如何慶祝聖誕？林師傑說：「其實我哋有個共識，節日都唔會大肆慶祝，希望可以慳啲錢，儲錢買樓、結婚，所以都係喺屋企煎塊牛扒、食飯睇戲。（幾時結婚？）愈快愈好，搵到啱嘅人好難得，亦好開心。」
爆何哲圖有催婚
歐陽巧瑩聽到男友愛的宣言冧到爆。問是否願意？歐陽巧瑩說：「我願意！但係要等啱嘅時間。（要林師傑點樣求婚？）千祈唔好，會好驚、好尷尬。」林師傑笑說：「之前聽到佢咁講真係鬆口氣，唔使搞大龍鳳，自己係好內向嘅人。」
林師傑指因爲工作關係，暫時未有結婚時間表，屋企人沒有催婚，反而老闆何哲圖有催婚，他說：「佢有問過我幾時結婚，我就話做嘢先，佢就好嬲咁鬧我，『咁你唔好嘥人時間，你分手啦！』佢真係好想我結婚。自己喺低潮時遇到歐陽巧瑩，當時大家都唔覺得我哋拍拖，依傢都三年，上天好眷顧我哋，會喺適當嘅時候打開道門。」
----------------------------
東網巨星開咗ig喇，大家快啲follow啦！