朱慧敏過孤單聖誕：冇拖拍！

藝人童愛玲、朱慧敏及張學潤等出席舞台劇《金星撞火星》記者會。至於朱慧敏則重演當年吳家麗的角色，與男拍檔王賢誌感情點到即止：「含蓄啲啱我。其實我本身好鍾意舞台劇，以前跟香港話劇團上過短期課程。今次係我第一次喺香港演舞台劇，導演之前仲特登北上睇我演《我和春天有個約會》，好彩我演出合格，佢今次就揀我喇。」

談到聖誕放假，朱慧敏打算留家休息：「聽吓歌、睇吓書，一個人靜吓，真係冇人約我，冇拖拍。」她又表示刻下有空，自己喜歡到寺廟靜思，而元旦她亦會參加寺廟舉行的敲鐘儀式迎接新1年。