羅霖黎燕珊缺席 程瑤搵亞姐拍月曆好困難
20171221
東網電視
更多新聞短片
程瑤坦言召集亞姐拍月曆有難度，當羅霖與黎燕珊因在無綫拍劇而缺席。
「仁美清叙」主席程瑤延續往年傳統，與一眾成員馮雪冰、張珮汶（前名張家瑩）、楊光、王瑋、黃景珍、張加慧、孟丹珏、吳夢婷和盧曉琳等到影樓拍攝慈善月曆。新一年「仁美」將繼續身體力行支持慈善活動，而今次拍攝月曆以四季為主題，帶出做善事無分季節，任何時候都可行善的概念，程瑤說︰「除咗帶出行善訊息外，亦想大家愛護香港，香港屬於亞熱帶氣候，係一個四季分明嘅城市，大家只要愛護環境，使香港一年四季都繼續保持美麗。」
由於「仁美」的一眾亞姐都身在不同電視台及機構工作，令集齊人拍攝今次慈善月曆非常困難，程瑤解釋︰「亞姐都各自喺唔同電視台或者機構工作，所以夾大家時間係最大難題，時近年尾我都有好多活動要製作，公司又接咗明年去曼谷同莫斯科等地嘅大型活動，所以喺統籌大家嘅時間上好唔容易。」
珍惜每個合作機會
提到熟悉臉孔如羅霖、黎燕珊等因轉戰TVB故未能參與拍攝，程瑤說︰「真心恭喜佢哋就真，亞姐就好似一間名校咁，雖然呢間名校現已經停辦選美，但畢業生能夠各有發展，我都戥佢哋高興！」
至於新一年會否再跟亞視合作？程瑤表示︰「仁美珍惜同每一間機構、每一個藝人合作嘅機會，最重要係大家支持我哋繼續行善，任何電視台我哋都歡迎合作。」
----------------------------
東網巨星開咗ig喇，大家快啲follow啦！