介紹仔畀老公識！王菀之被冷落：我變多餘

歌手王菀之（Ivana）與設計師老公Eric So（蘇卓航）、合作伙伴兼中學同學桂濱，齊齊接受電台訪問，宣傳新歌MV《離魂計》。接受訪問時，三人大談今次合作的趣事和感受，Ivana話：「其實今次好高興介紹咗佢哋兩個認識，我覺得自己變得好多餘，因為佢哋好夾，傾起上來就唔理我。」問到會唔會呷醋？Ivana笑言：「咁又唔會嘅。」

其後擔任MV導演的Eric指老婆拍攝期間唔難搞，更搞笑說：「唔理佢咪得囉！」Ivana聽到即扁嘴。Eric續說：「因為我哋又係親人又係導演與演員的關係，所以拍的時候我都分得好清楚。」另外，Ivana又多謝唱片公司今次願意採用與桂濱合作的構思，謂：「因為佢間公司呢個科技好勁，平時差唔多收人哋都要7位數字起跳，今次雖然收我哋6位數字，除咗多謝佢，都多得公司願意支持，因為MV我哋都係搵拍電影的班底埋班，都好大陣仗。」