夠晒排場!吳志雄60大壽星光熠熠

20171225
東網電視
更多新聞短片
吳志雄60大壽呀,睇吓佢幾開心!
藝人吳志雄60大壽,家人為他於尖沙咀一間酒店筵開30圍宴請親友,圈中人包括蔡卓妍、唐詩詠、張文慈、麥家琪、泳兒、謝天華、張達明、盧惠光等紛紛現身,古天樂更低調進入會場,未有停歩拍照受訪,場面相當熱鬧。
壽星吳志雄穿梭場內招呼賓客。開席前他接受訪問表示:「本身低調唔想搞嘅,但家人尤其係太太話一定要,一世一次喎,節目流程就由幼女Donna籌劃,而現場嘅壽星公同舞龍表演,就係班好兄弟安排嘅。(有乜生日願望?)世界和平,大家都開開心心啦。我希望每日有工作又可以周圍行睇吓風景咁,既可唱歌又拍戲。」他又指身上綠葉圖案的西裝由太太負責訂製:「佢知我心意,我係電影界綠葉王。」
至於張文慈到場時看似精神不錯,但她自爆已幾日冇瞓:「因為頻頻返內地做嘢,今朝仲趕入喜靈洲探訪男子戒毒所,傳道同唱聖詩。(好受歡迎?)佢哋好畀面,我開心到喊,希望下次可以探埋女子嗰邊。(過肥年?)成年都係等呢啲日子咋。(咁有冇送咩生日禮物畀吳志雄?)封番封利是!」