蔡立兒處女音樂會　唔止管弦樂仲有梁漢文

歌手蔡立兒（Cherrie）將於明年1月7日聯同香港業餘管弦樂團團長蘇潔明及其樂團在香港文化中心舉行音樂會，屆時樂團會把Cherrie經典金曲《絕戀》以及其他歌手的歌，例如張敬軒的《青春常駐》、許廷鏗的《青春頌》等重新編曲，以大提琴及管弦樂演繹出來。對於距離音樂會不足兩個星期，Cherrie正積極備戰及排練，更開心透露今次音樂會邀得好友梁漢文任嘉賓。

她表示：「今次係我入行以來首次個人音樂會，心情既興奮又緊張，早幾個月前已開始跟德勛（老公歐陽德勛）跑步練氣，亦開始食營養餐keep fit，而最開心嘅就係邀請到我好朋友梁漢文（Edmond）做嘉賓！其實早於Edmond 8月舉行演唱會時，我已同Edmond講下年一月我有個音樂會，想邀請佢做嘉賓，因為Edmond彈得一手好鋼琴，我心諗如果佢可以同管弦樂合作一定好精彩，結果Edmond二話不說一口答應，仲分享好多寶貴個人經驗畀我，叮囑我千祈唔好緊張，要好好享受喺舞台上演出！」

日前Edmond已與Cherrie及香港業餘管弦樂團一起為音樂會排練，Cherrie表示：「雖然之前有參與過Big Four演唱會和音，但同Edmond相識咁耐，今次先真正第一次喺舞台上合唱演出，今次Edmond揀咗一首人哋嘅歌同我合唱，希望可以畀到樂迷驚喜，排練過程中，大家都無私地分享咗好多音樂上嘅意見，好期待當日音樂會演出！」