六弟尋人分身家　王龍威惹吞產疑雲

邵氏七十年代動作影星王龍威（王勝），代表作有《少林寺》、《五毒》和《武館》，而在《古惑仔之人在江湖》中飾演山雞那位黑社會大佬岳父最令人留下深刻印象，於2014年在出席親友喪禮時，在靈堂上與五弟王龍光就父親遺產問題爆發衝突，懷疑有人吞佔父親留給屬於六弟王龍輝的遺產，最後王龍光受傷報警求助，王龍威被控一項襲擊罪，結果獲控方不提證起訊，裁判官下令他以一千元簽保守行為一年。

登報尋找六弟不果

失去聯絡多年的王龍輝向東網求助，指王龍威一直未有聯絡他，以致其應得的遺產至今仍未到手，望東網可代為尋找兄長。王龍輝表示當年為保護被父親打的媽媽憤然離家出走，離家廿年的他生活潦倒，後來由報道得悉王龍威接管父親的遺產，故希望釐清事件並取回自己應得的一份，他說：「我睇報道話爸爸有兩層樓，一層喺深圳布吉、一層喺天水圍，仲有150萬現金！」

父臨終前靠綜援維生

東網聯絡上王龍威，他表示曾登報尋找六弟王龍輝不果，而父親於天水圍的物業在其2012年去世後不久以240萬元售出，所得款項平均分給六兄弟姊妹，惟未能聯絡上王龍輝，他否認侵吞遺產：「嗰少少錢我點會食咗！其他兄弟姊妹都搞掂晒啦，係差佢（王龍輝）。我唔明白點解佢唔搵我。」至於王龍輝指父親的150萬現金，王龍威表示絕無此事，因父親臨終前要靠綜援維生。

兩兄弟感謝東網幫忙

王龍威指當年因父親於深圳布吉的物業而與王龍光在靈堂發生衝突：「大陸賣樓我唔熟，有人話佢識，叫我將屋契交畀佢，但係佢就一直拖，想拖十年八年冇咗件事，佢攞走咗張屋契！」自從靈堂衝突後王龍威未有與阿光聯絡，深圳布吉的物業仍未售出。

此外，王龍威得悉王龍輝多年來生活坎坷，他不禁嘆息道：「你畀佢電話我啦，快啲搞掂啲錢，我都想了咗件心事。」晚上，東網分別收到王龍威及王龍輝的電話，他們表示事件已經圓滿解決，並感激記者幫忙。兩兄弟失去聯絡廿多年，終於冰釋前嫌和氣收場！

----------------------------

東網巨星開咗ig喇，大家快啲follow啦！

https://goo.gl/KGuo2N