腰傷拍文戲！張振朗驚冇咗對胸
20171228
東網電視
更多新聞短片
唔使驚喎！
無綫藝員張振朗在平安夜碰上「飛來橫禍」，在屯門被商場天台飛落街的大型帳篷擊傷腰、膝。因要開拍重頭劇《包青天再起風雲》僅休息一日便投入工作，張振朗撐着拐杖到電視城拍攝廠景。
張振朗現要戴腰封開工，他說：「依家做緊物理治療，都放鬆咗少少，但係條腰、膝蓋都仲痛，轉身用力或者推門都痛，希望睇物理治療睇到斷尾，你知啦條腰對於男人嚟講好重要，我仲要傳宗接代，哈哈。」
張振朗在《包青天再起風雲》中演重要角色展昭，但因傷暫時先調拍文戲，武打戲待痊愈後再拍，他說：「多謝公司配合，其他同事都好關心我，好似胡定欣、曹永廉見我企得耐都叫我坐下，突然間覺得自己好似羅蘭姐咁，大家都好愛護。」
張振朗現時不能做運動，他最擔心是練了兩個月的胸肌及六舊腹肌化為烏有，他笑說：「限奶令唔限男仔，為咗一場騷肌戲練咗兩個月，就算之前拍到零晨三點都照去做gym，畀帳篷幕擊中之後，反而係諗死啦，操唔到，點算呢，覺得好唔抵。」問到女友陳芷尤是否很擔心？他說：「擔心，好多朋友都好擔心，介紹咗好多醫生畀我，好開心咁多人關心。」
----------------------------
東網巨星開咗ig喇，大家快啲follow啦！