開口中！范文雅做神奇女俠派六合彩貼士
20171229
東網電視
更多新聞短片
隨口噏7個冧巴中咗4個，都幾準喎！
無綫藝員范文雅（Aliya）雖自認宅女，實則動靜皆宜，除主持要求嚴謹、不容有錯的六合彩攪珠，亦可拍劇與新紮男神袁偉豪拍攝沙灘錫錫戲，更可執起羽毛球拍「殺」波，英姿颯颯的她，正考慮派對上以「神奇女俠」Look示人。
Aliya坦言很欣賞「神奇女俠」以色列女星Gal Gadot，她說：「我覺得佢好勁、好Sexy，雖然32歲，係兩個小朋友嘅媽媽，但依然好型，Body好好！（要你神奇女俠Look示人呢？）我OK，之前冇諗過，但可以考慮去派對用呢個Look去慶祝！」
打波減壓
問到是否入了劇組後，勇於嘗試不同形象？Aliya坦言：「今年係多咗拍劇，除咗《棟仁的時光》，仲有《果欄中的江湖大嫂》、《特技人》，平日休息我會打羽毛球、做瑜伽、睇書、睇戲減壓！」
同22、33有緣
自爆曾壓力大到口窒窒的Aliya又說：「我除咗拍劇，都有做六合彩主持，有次開到第4個都係細號碼，唔知點解我好驚，結果嗰期真係開晒細號碼，諗番轉頭都好嘅，有二十幾注中頭獎！我初初做主持都有買，但冇中過，有次冇買，隨口噏7個反而中4個，所以間中都有朋友問我攞貼士，邊有㗎！不過我就好似同33、22號幾有緣，大家留意吓！」
----------------------------
東網巨星開咗ig喇，大家快啲follow啦！