鮑起靜哭別大哥哥江漢：佢唔會講人是非

已故無綫甘草演員江漢（原名姜永明）假紅磡世界殯儀館設靈，資深電影人方平、鮑起靜夫婦、藝人白茵及苗金鳳等多名圈中好友都有前來致祭。

影后鮑起靜淚眼盈眶前來拜祭故友，心情明顯仍未平復，她表示年輕時已經認識江漢：「我屋企同佢屋企係世交，我15歲時拍實驗電影《我來也》時已經同佢有對手戲，佢大我11歲，雖然識佢時佢已經係小生，但佢都好親切，成日嚟我屋企食飯，食完飯又一齊玩，我見到佢都會叫佢江漢哥哥。佢最值得學習嘅地方係一輩子都從未講過人哋唔好或者是非，淨係會講鼓勵人嘅說話。」至於方平則視亡友如大哥哥，年輕時會教他們演戲，又會帶他們打波和食飯。

至於羅樂林亦有前來致祭。