齊齊Headbang！鐵樹蘭學校表演超好反應
20180102
東網電視
更多新聞短片
樂隊鐵樹蘭獲學校邀請做歌唱比賽表演嘉賓。
樂隊鐵樹蘭日前到學校擔任歌唱比賽的表演嘉賓，演出前先跟學生們打籃球和踢波。提到甚少中學邀請重型金屬樂隊演出，鐵樹蘭四子透露該校學生會經老師同意後邀請他們：「重型音樂嘅Live通常比較熱血，演出者同觀眾嘅互動比軟多，對於一啲未太了解我哋嘅教育工作者嚟講，呢一類Live可能未必太接受，但結果令人驚喜！原本啲學生坐晒係禮堂，到我哋出場，佢哋就自動行晒去台前，聽到《凡人對抗命運》嘅Intro全場已經即刻歡呼同一齊跳，到《赤地》嗰陣啲學生仲同主音Sunny一齊Headbang（揈頭），最意想不到就係全場大合唱《告別完再聚》！」
鐵樹蘭形容演出非常熱鬧，學生們更主動向隊員發問，例如問Sunny唱歌技巧，又問關於彈結他、編曲及外國樂隊音樂的問題。這次演出令四子非常感動：「我哋有睇晒班學生喺歌唱比賽嘅演出，佢哋好落力唱歌、夾Band同跳舞。雖然唔可以同一般演唱會級數比較，但睇得出佢哋非常用心用力，呢種最單純、最簡單嘅出發點，反而提醒咗我哋，玩音樂最緊要就係用心同快樂。」
至於18年的計劃，鐵樹蘭表示會為新EP寫歌，現在已完成部分歌曲，希望盡快發布：「我哋同樂隊逆流、秋紅同Maniac遲啲會有更大型嘅合作，另外我哋準備有啲大膽嘅安排，打算同完全不同範疇嘅音樂團體合作，若果成事會係香港重型音樂嘅第一次！至於係乜嘢就請大家拭目以待。」
---------------------------
東網巨星開咗ig喇，大家快啲follow啦！