歐陽巧瑩發長文撐林師傑：一定會幸福快樂
20180103
東網電視
更多新聞短片
歐陽巧瑩話自己一定會幸福快樂呀！
藝人歐陽巧瑩獲拍拖三年嘅男友林師傑求婚成功，連日來二人收到不少好友嘅祝賀。歐陽巧瑩今日喺社交網發文，表示2017忙到2018年，終於有時間可以逐一回覆晒朋友的留言祝賀。不過，似乎有人對兩口子的婚事較為着緊，令歐陽巧瑩發長文解釋，佢表示：「我一定會幸福快樂 因為我已經搵到我嘅世界。」
仲話有兩點想講，佢留言：「第一：我嘅另一半係好係壞，我相信 我一定比你清楚，因為你只係一個陌生人，有乜資格 去批評同判定人？第二：有朋友同我講『點解唔搵個好啲呀』『You deserve better』 除咗冷笑之外，我畀唔到反應。一個人孝順與否，唔係取決佢有冇成日post家庭照。一個人工作勤力與否，唔係取決於佢每日都出幾post話自己做嘢要比（畀）心機。一個人心地好唔好，唔係取決於佢出post 話自己扶阿婆過馬路又或者餵流浪貓狗。」
歐陽巧瑩仲話每人都值得擁有選擇嘅權利：「你可以選擇留喺網絡世界度，去認識 去欣賞一個人（即使你所欣賞嘅，都有可能只係包裝），不過我就會選擇用真心 用時間去了解去認識一個人。」相信林師傑睇到女友咁撐自己，都應該開心晒啦。
----------------------------
東網巨星開咗ig喇，大家快啲follow啦！