借醉咀翠如！《溏心3》黃宗澤Sad爆性無能
20180103
東網電視
更多新聞短片
聞者傷心...
無綫台慶劇《溏心風暴3》劇情峰迴路轉，到下星期更會有出人意表的情況發生，令花花公子「九少」黃宗澤（Bosco）性情大變！
戲中勾義嫂的Bosco因家姐「火姐」李司棋向黑幫大佬跪地求情而甩難，但「正爸」夏雨就想自己舅仔受些少教訓，所以就請黑幫大佬天光至好放人，點知Bosco清晨時分就趁機鬆綁自行逃離，逃生中不慎碌落山坡撞到棵樹搞到半身不遂，雖然黃翠如一直在側支持令有機會變癱的Bosco快速康復，但原來Bosco因脊椎神經受損而變成性無能……一下子失去人生寄託的Bosco便飲到貓晒，仲借醉錫落黃翠如個嘴仔度，不過他好快就收拾到心情疊埋心水專注工作，仲以做個有權有利的有錢人為目標！
另一方面，許家與黃家決裂後再度陷入財困，要有五十億至可以解決整個危機，雖然「Belle」岑麗香因在四川做義工時遇上地震，與不顧自身安危救她的「Kyle」王浩信共度生死，但因為米雪誓要救老公李國麟的百年基業，所以一心「賣女」救公司要岑麗香嫁陳智燊，當岑麗香心甘情願應承「犧牲」自己後，王浩信便Sad爆出走葡萄牙療情傷，但與此同時陳智燊卻勁唔好彩遇上車禍身亡……
----------------------------
東網巨星開咗ig喇，大家快啲follow啦！