惡戰海軍陸戰隊　陳奕迅打到好似替身

歌手陳奕迅（Eason）於新片被著名的武術家Chris Collins（曾在美國海軍陸戰隊服役了9年）打到飛起，Eason說：「本身心存僥倖，覺得唔需要帶保護裝備，出拳後定住收番個力就得，點知原來最後都會成身瘀晒！」他更展示手臂的瘀傷，苦笑說：「瘀到好似假咁！」雖然Eason被打到周身傷，但他寧願被打都不願打人。有一場打戲，Eason擔心打到武師，即刻變得好緊張，他「苦瓜乾」面口說：「打人係好得人驚，雖然係做戲，但我都好怕傷到人，好危險。有得揀我都係會揀畀人打。」

洪天祥嚴訓李榮浩

電是由洪金寶兒二子洪天祥（Jimmy）擔任武術指導，可謂功不可沒，他說：「今次拍攝最難嘅地方係要令本身兩個唔識武打嘅人（陳奕迅、李榮浩）睇上去要似『好打得』，但佢哋模仿能力好高，Eason好勤力，對自己要求又高，有時我都收貨，佢都會話嚟多Take，想再做好啲！」而李榮浩亦稱讚Eason打到好似替身：「有次看見導演剪片，我問那個人打得這麼快是不是替身，原來是Eason！」

陳國坤硬食斗零踭

今次連有武功底子的陳國坤（小龍）都不能避免「中頭獎」，硬食了身穿「斗零踭」的李一桐一腳，令身邊工作人員大為緊張，立即檢查傷口再敷冰袋。但專業的小龍好快復原，還扮鬼臉鬥雞眼搞氣氛，笑言經過「頭槌」洗禮，已經控制不到自己的眼睛。

此外，繼著名電影海報設計師阮大勇的海報發放後，電影公司再同步推出「武林至尊版」海報，見Eason露兩點赤裸上身練功，李榮浩就在他身旁倒滿碗內的水。設計海報的Sunny Lau指參考了很多70及80年代的賣座動作電影海報，希望由海報及電影能帶給觀眾的集體回憶。

----------------------------

東網巨星開咗ig喇，大家快啲follow啦！

https://goo.gl/KGuo2N