中文金曲:克勤奪全球傑出歌手獎

20180104
東網電視
更多新聞短片
克勤當年一臉清澀!

《第40屆十大中文金曲-我和你音樂會》在九展舉行,一開始播完當年李克勤參加歌唱比賽的片段後,克勤就出場獻唱校長譚詠麟的《霧之戀》,然後播出當年校長頒發金曲獎給克勤的片段,克勤在台上即笑言:「都唔係好耐啫,28年前。」,然後就唱出金曲《一生不變》,接着就播放歷年克勤在《十大中文金曲》獲獎的片段,之後唱出今年大熱歌《失魂記》。

然後頒發「全國最佳中文歌曲獎」,宣布由克勤憑《失魂記》奪得,司儀表示克勤家人都有腦退化症,克勤表示:「係呀,婆婆都有腦退化症,唔認得自己,首歌就係講呢樣嘢,多謝公司,多謝鍾意呢首歌嘅朋友,明年、後年、每一年都會繼續努力。」

然而再頒發今年特設的「金曲40全球傑出歌手獎」,宣布由克勤奪得。他得獎後即抖大氣,驚訝表示:「嘩!呢個好勁,唔敢當,我會守衛廣東歌,做多啲廣東歌,我身為廣東歌手,唱廣東歌起家,雖然我2018年會出國語碟,但會繼續做廣東歌嘅使命,會繼續保持謙卑嘅心。」

----------------------------
東網巨星開咗ig喇,大家快啲follow啦!
https://goo.gl/KGuo2N