与洪罗拔相识30年　周美凤：佢系开心果

前港姐周美凤与艺人洪罗拔相识约30年，两人非常老友，故今早获知好友离世，非常伤心，一直喊不停，她说：“真系好伤心，过往几年每次佢生日，我都一定到，仲好怀念以前嘅点滴，原本上个礼拜五我哋成班有个饭局，但佢甩底，我哋都知佢呢轮唔舒服，但好少会甩底，好怪，打畀佢姪女，话佢感冒唔舒服，到昨日（6日）我再打畀佢搵唔到，WhatsApp又冇覆，仲谂可能佢好重感冒，等佢休息吓，点知今朝就收到佢去咗，知道后都冇停过喊。”<br/><br/>周美凤表示身边好友司马燕、罗明珠，现在到洪罗拔先后离世，令她非常难过。她谓知道洪罗拔患肝癌多年，指洪罗拔一直好努力，好正面抗癌。她赞洪罗拔是一名开心果，有洪罗拔的地方便笑声不绝，又称洪罗拔最锺意讲有味笑话，无论讲几多次一样咁好笑，她说：“自己选完港姐后，第一个认识嘅圈中人就系佢，我都唔记得点解识到佢，可能佢入行耐啲，好锺意提携新人，个人又好热心，我哋识咗后，佢介绍咗好多圈中人畀我识，好似阿梅（梅艳芳）、草蜢咁，之后我哋仲一齐做亚视《活色生香》节目，节目好红，系当年嘅神话。”