兩個月前見過洪羅拔　漢洋：佢精神仲幾好

前亞視藝員洪羅拔癌症病逝，終年61歲，令不少圈中人非常震驚。身為契細佬嘅歌手漢洋接受東網電話訪問表示1991年已認識洪羅拔，但只係相識好短嘅時間：「因以前經常去洪羅拔屋企玩，而洪羅拔當時經常叫我做細佬，我又叫番佢做阿哥，所以就變成契兄弟關係。」

漢洋又表示對契哥洪羅拔嘅離世感到非常哀痛，他說：「好似冇咗個親人一樣，因為洪羅拔一直都好錫我。（同佢有咩難忘事？）當年我出唔到唱片，洪羅拔介紹咗好多台灣嘅唱片公司畀我，所以嗰時有段時間去咗台灣發展。」

問到知唔知佢有病？漢洋坦言一早知道，還透露早幾日與朋友有相約佢食飯：「雖然一早知道佢有病，但覺得佢會冇事，早幾日仲同幾位朋友約佢食飯，但係佢最後都冇嚟到，大家都知道佢身體唔好，所以都有WhatsApp問候佢，但佢就冇覆到。」

至於問到二人對上一次見面？漢洋透露是早一、兩個月前嘅事：「當時仲見佢精神幾好，面色都ok。」而有關洪羅拔嘅身後事安排，漢洋指暫時未知，詳細等其屋企人再講。